Jyl basynan beri Qostanaı oblysynda 24 myńǵa jýyq adam koronavırýs juqtyrdy

NUR-SULTAN. QazAqparat – Qostanaı oblysynda 2021 jyldyń basynan beri COVID-19 juqtyrýdyń 23 930 jaǵdaıy tirkeldi. Bul týraly Qostanaı oblysy densaýlyq saqtaý basqarmasy basshysynyń mindetin atqarýshy Rústem Aıtbaev aıtyp berdi, dep habarlaıdy QazAqparat tilshisi.

«Pandemııa bastalǵannan beri oblysta COVID-19-dyń 31 492 jaǵdaıy tirkeldi, onyń ishinde 2021 jyldyń basynan beri 23 930 jaǵdaı tirkeldi. 31 492 naýqastyń 27 280-i saýyqtyryldy, 3 617 adam ambýlatorlyq baqylaýdy adam jalǵastyrýda, 101 ólim-jitim jaǵdaıy boldy. Búginde oblys qyzyl aımaqta tur. 21 statsıonarda 1 765 ınfektsııalyq tósek-oryn bolsa, júkteme 34% kórsetýde, onda 607 adam emdelip jatyr. Qajet bolǵan jaǵdaıda biz tósek-oryn sanyn 3 myńǵa jetkizýge daıynbyz», - dedi Rústem Aıtbaev ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, oblystyń dárihanalary men statsıonarlarynda dári-dármek pen jeke qorǵanys quraldarynyń eki aılyq qory bar.

Joǵary suranystaǵy dárilik zattar men jeke qorǵanys quraldarynyń turaqtandyrý qory quryldy.

«PTR testileý 5 zerthana bazasynda júrgiziledi, onda táýligine 2,5 myń zertteý júrgizýge bolady. Oblystyń ońtústik bóligindegi turǵyndaryn qamtý úshin Arqalyq qalasynda qýaty 300 zertteýge jetetin zerthana iske qosyldy. Vaktsınatsııa 190 statsıonarlyq jáne jyljymaly ekpe pýnktilerinde júrgiziledi. Vaktsına salýǵa tıisti oqytýdan ótken 426 medıtsınalyq qyzmetker tartylǵan», - dedi R. Aıtbaev.