Jyl basynan beri kólik polıtseıleri 860 keli esirtki zattaryn tárkiledi
ASTANA. QazAqparat - Kóliktegi ishki ister departamentiniń qyzmet kórsetý aýmaǵynda esirtki jáne esirtki bıznesine qarsy keshendi sharalar ótkizilýde.
Bul týraly atalǵan vedomstvonyń baspasóz qyzmeti habarlaıdy.
Sondaı sharalardyń nátıjesinde jyl basynan beri 81 esirtki qylmysy anyqtaldy, onyń 40 faktisi ótkizýge jáne 4-eýi esirtki zattaryn zańsyz tasymaldaýǵa qatysty.
Zańsyz aınalymnan 869 keli ártúrli esirtki zattary tárkilendi.
Esirtki bıznesine qarsy kúres basqarmasynyń bastyǵy polıtsııa polkovnıgi Erlan Aqparovtyń aıtýynsha, QR Qylmystyq Kodeksiniń 296-babyna qatysty 142, QR QK-niń 296-baby, 1- bólimi boıynsha ( Qoǵamdyq oryndarda esirtki, psıhotroptyq zattardy, sol tektesterdi, prekýrsorlardy medıtsınalyq emes tutyný) - 11, 296-baby, 2- bólimi boıynsha (Esirtki, psıhotroptyq zattardy, sol tektesterdi, prekýrsorlardy ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) - 107, 296-baby, 3-bólimi boıynsha (Іri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) -22 ákimshilik hattama toltyryldy.
«Kóknár-2015» operatsııasyn ótkizý kezinde 20 esirtki quqyqbuzýshylyǵy men 3 esirtki qylmysy anyqtalyp, zańsyz aınalymnan 714 keliden asa esirtki zattary tárkilendi.
Sondaı-aq, E. Aqparov jaqynda esirtki ótkizýshiler men uıymdasqan qylmystyq toptyń áreketin anyqtap, esirtki saýdasy arnasynyń jolyn kesýge baǵyttalǵan «Dopıng», «Rýbej», «Kanal» jáne taǵy basqa operatsııalardyń ótkiziletinin aıtty.
Búgingi tańda Kóliktegi ishki ister departamentiniń qyzmet kórsetý aýmaǵynda 28 top qurylǵan. Atalǵan toptardyń basty maqsaty men mindeti temir jol vokzaly aýmaǵynda, saqtaý qoımalarynda, júk bólimderi men «Kazpochta» bólimderinde, halyqaralyq jáne jergilikti mańyzy bar jolaýshylar poezdarynda jumys jasap, qyzmettik izdestirý ıtteriniń kómegimen esirtki zattaryn anyqtaý bolyp tabylady.
Departamenttiń negizgi kúshi esirtki zatyn zańsyz tasymaldaý men esirtki saýdasy arnalardyń jolyn kesýge, sondaı-aq, esirtkige qarsy úgit nasıhat jumystaryna baǵyttalǵan.
