Jyl basynan beri Kókshetaýda 1 172 baspana paıdalanýǵa berildi
KÓKShETAÝ. QazAqparat - Bıyl jyly Aqmola oblysynda turǵyn úıdi qoldanysqa berý kórsetkishi artty, onyń ishinde Kókshetaýda turǵyn úı qurylysy qarqyndy júrgizilýde, dep habarlaıdy QazAqparat tilshisi oblystyq Іshki saıasat basqarmasyna silteme jasap.
Vedomstvonyń məlimeti boıynsha, bıylǵy jyldyń basynan beri Kókshetaý qalasynda 1 172 pəter men jekeleı úı paıdalanýǵa berildi. Jyl sońyna deıin taǵy 267 otbasy baspanaly bolady dep josparlanǵan. Osy oraıda, aqmolalyqtardyń baspana məselesin sheshýde «7-20-25» baǵdarlamasynyń septigi tııýde. Aqmola oblysy atalmysh baǵdarlamany júzege asyrý boıynsha respýblıkada kósh bastap tur. Baǵdarlama qolǵa alynǵannan beri oǵan qatysý úshin Kókshetaý boıynsha 251 ótinish tússe, onyń 194-i qoldaý tapty.
Jobany júzege asyrýǵa qala boıynsha «Estet stroı», «Alýa», «KGS «Saýda» seriktestikteri tárizdi 15 qurylys kompanııasy atsalysýda. Qurylys materıaldarynyń barlyǵy derlik «Regıon stroı» JShS shyǵarǵan jergilikti ónimder. Ipotekalyq baǵdarlamany tıimdi júzege asyrý baǵytynda kópqabaty turǵyn úılerdiń ınjenerlik jelilerin salý úshin oblysta 2019-2021 jyldarǵa arnalǵan úsh jyldyq baǵdarlama əzirlendi.
«Jalpy, oblys boıynsha paıdalanýǵa beriletin turǵyn úılerdiń sanyn jyldan jylǵa 380-400 pəterge arttyrý kózdelgen. Munyń barlyǵy óńirde ıpotekalyq naryqtyń damýyna jəne aqmolalyqtardyń qoljetimdi baspanamen qamtylýyna oń əser etedi. Bul kókshetaýlyqtardyń kóbisi óz baspanasyna qol jetkizip, ómir súrý sapasyn jaqsarta alady degendi bildiredi», - deıdi Aqmola oblysynyń ishki saıasat basqarmasyndaǵylar.
