Jyl basynan beri keden qyzmetkerleri 580 qylmystyq is qozǵady
ASTANA. Qazannyń 19-y. QazAqparat /Aıdar Ospanalıev/ - Bıylǵy jyldyń 9 aıynda keden organdary 580 qylmystyq is qozǵady. Bul týraly búgin Kedendik baqylaý organdarynyń 9 aıda atqarǵan jumystaryna baılanysty jýrnalıstermen bolǵan brıfıngte Qarjy mınıstrliginiń Kedendik baqylaý komıtetiniń Kontrabandamen kúres basqarmasy bastyǵynyń orynbasary Meıirhan Meıirmanqulov málim etti.
Onyń derekterine qaraǵanda, qozǵalǵan qylmystyq isterdiń 326-sy ekonomıkalyq kontrabanda boıynsha, 71-i kedendik alymdar men salyqtardy tóleýden bas tartqany úshin, 103 is aınalymnan alynyp tastalǵan taýarlar kontrabandasyna baılanysty bolyp otyr. «Qylmystyq ister boıynsha tárkilengen taýarlar men qarjy somasy 3,2 mıllıard teńgeni qurady. Sondaı-aq 478,8 mıllıon teńgeniń taýarlary men kólikteri tárkilendi. Al kedendik tólemderden bas tartý áreketteri boıynsha jınaqtalǵan soma 4,9 mıllıardqa jetti. Memleketke keltirilgen shyǵynnyń 11,1 mıllıard teńgesi qaıtaryldy», dedi basqarma bastyǵynyń orynbasary.
