Jyl basynan beri qazynaǵa 13,5 trln teńge salyq tústi

ASTANA. QazAqparat – 2022 jyldyń 11 aıynda memleketke 13,5 trln teńge salyq tústi. Bul týraly QR Qarjy mınıstrligi memlekettik kirister komıtetiniń tóraǵasy Danııar Janálinov málim etti, dep habarlaıdy QazAqparat tilshisi.

«Bıyl salyq túsimi boıynsha jyldy jaqsy kórsetkishpen aıaqtap jatyrmyz. 2022 jyly 11 aıdyń qorytyndysy boıynsha memleket qazynasyna 13,5 trln teńge salyq tústi. Jospar 103,1 paıyzǵa oryndalyp otyr, ıaǵnı byltyrmen salystyrǵanda 1,4 ese artyq. Naqty aıtqanda, byltyrǵa qaraǵanda 3,8 trln teńge salyq artyǵymen túsip otyr», - dedi dedi Danııar Janálinov ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin kirister komıteti basshysy Qazaqstanda turǵyn úıdi zańdy túrde jalǵa beretinderge qatysty esep keltirgen edi.

Odan bólek, kirister komıtetiniń tóraǵasy Danııar Janálinov 39 myń memlekettik qyzmetshiniń kirisi men jeke múlki týraly aqparatty jasyrǵysy kelgenin aıtty.