Jyl basynan beri Qazaqstanǵa 196 myń sheteldik keldi - ІІM
áýirdiń 24-i. QazAqparat /Qanat Mámetqazyuly/ - Aǵymdaǵy jyldyń basynan beri Qazaqstanǵa 196 myń sheteldik kelgen. Bunyń ishinde 170 myńǵa tarta adam TMD elderinen bolyp tabylady.
Bul týraly búgin Parlament Májilisiniń kóshpeli Úkimet saǵatynda «Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly» taqyrypta baıandama jasaǵan QR Іshki ister mınıstri Serik Baımaǵanbetov málim etti, dep habarlaıdy QazAqparat.
Mınıstrdiń aıtýynsha, eldegi mıgranttardyń basym bóligin Qyrǵyzstan, Ózbekstan, Tájikstan azamattary qurap otyr. Sonymen birge, Qazaqstannyń kóshi-qon zańnamasyn buzǵandyǵy úshin 40 myńǵa tarta shetel azamattary ákimshilik jaýapkershilikke tartylyp, olardyń 6-myńǵa jýyǵy el aýmaǵynan shyǵarylǵan.
«El aýmaǵynan shyǵaryp jiberý týraly sheshimniń oryndalmaýyna qatysty 7 qylmystyq is qozǵaldy», dedi S. Baımaǵanbetov.
