Jyl basynan beri qazaqstandyqtarǵa 490,2 mlrd. teńge kóleminde zeınetaqy tólendi

ASTANA. QazAqparat - Jyl basynan beri qazaqstandyqtarǵa 490,2 mlrd. teńge kóleminde zeınetaqy tólendi, dep habarlaıdy QR DSÁDM baspasóz qyzmetinen.

2015 jylǵy qańtar-mamyr aılarynda respýblıkalyq bıýdjetten bazalyq zeınetaqy tóleý úshin 110,1 mlrd. teńge, ortaq zeınetaqy tóleýge 380,1 mlrd. teńge bólindi.

2015 jylǵy 1 maýsymdaǵy jaǵdaı boıynsha bazalyq zeınetaqy tólemderin alýshylar sany 1 mln. 971,8 myń adamdy qurasa, ortaq zeınetaqy tólemderin 1 mln. 938 myń adam alady. Qazirgi ýaqytta bazalyq zeınetaqy tólemderiniń mólsheri 11 182 teńge, al zeınetaqy tólemderiniń ortasha mólsheri 50 641 teńgeni (bazalyq zeınetaqy tólemderin eseptegende) quraıdy.