Jyl basynan beri qazaqstandyq zaýyttar 6 myń tonnadaı munaı óńdegen

NUR-SULTAN. QazAqparat – Qazaqstanda munaı óńdeý kólemi artqan. Bul týraly QR Premer-Mınıstriniń birinshi orynbasary Roman Sklıar Májilis depýttarynyń saýalyna joldaǵan jaýabynda aıtty, dep habarlaıdy QazAqparat tilshisi.

«Munaı óńdeý kólemi 4 aıdyń ishinde 5,9 mln tonnaǵa jetip, ótken jylmen salystyrǵanda 5,2% ósim kórsetti. Dıezl óndirý kólemi jyldyń tórt aıynda 1 mln 653 myń tonna boldy. Bul bir jyl burynǵy kórsetkishten 8,7% kóp», - dep jazylǵan vıtse-premerdiń jaýabynda.

Onyń aıtýyna qaraǵanda, jyl aıaǵyna deıin 5, 129 mln tonna dızel óndirý josparlanǵan.

«30 mamyrdaǵy jaǵdaı boıynsha munaı óńdeý zaýyttarynda qalǵan dızeldiń jıyntyq kólemi 377,79 myń tonna bolady. Bul eldiń 25 táýlik qajettiligine jetedi. Indıkatıvtik balansqa sáıkes, 2022 jyly Reseı Federatsııasynan 5 myń tonnaǵa deıin benzın, 520 myń tonna dızel, 300 myń avıakerosın ákelý kózdelgen», - deıdi Roman Sklıar.

Onyń málimeti boıynsha, jyldyń tórt aıynda ımporttalǵan dızel otynynyń kólemi 66 myń tonna bolǵan. Sondaı-aq, 31 myń tonna avıakerosın ımporttalǵan.

Buǵan deıin jazǵanymyzdaı, Qazaqstanda dızel baǵasy ósip jatyr.