Jyl basynan beri Qazaqstanda zańsyz jumys istegen 60 dinı birlestik jabyldy - ІІM
ASTANA. 22 qarasha. QazAqparat - Bıylǵy jyldyń basynan beri Qazaqstanda tirkelmeı zańsyz jumys istegen 60 dinı birlestik pen arandatqysh saıttar jabyldy. Búgin Parlament Májilisinde ótken konferentsııa barysynda sóz sóılegen ІІM Krımınaldyq polıtsııa komıtetiniń ekstremızmge qarsy kúres basqarmasy bastyǵy Erkin Qalıev osylaı málim etti.
Onyń aıtýynsha, atalǵan merzim aralyǵynda ekstremıstik sıpattaǵy qylmystar boıynsha 25 is qozǵaldy.
«Dinı qatynastar salasynda 230 ákimshilik zań buzýshylyq anyqtalyp, tirkelmegen 60 dinı birlestiktiń jumysy toqtatyldy. Sonymen qatar, kóshi-qon zańyn buza otyryp, tirkeýsiz jumys istep júrgen 67 mıssıoner, sonyń ishinde 13 shetel azamaty elden alastatyldy», - dedi ol.
