Jyl basynan beri Qazaqstanda satylǵan úıler 13,1 paıyzǵa artty
ASTANA. QazAqparat - 2016 jylǵy qańtar-maýsymdaǵy turǵyn úıdi satyp alý-satý mámileleriniń sany 87 867 qurady. Kórsetkish ótken jylǵy osy kezeńmen salystyrǵanda 13,1 paıyzǵa artyq. Bul týraly QR Ulttyq ekonomıka mınıstrliginiń Statıstıka komıtetiniń baspasóz qyzmetinen habarlandy.
«2016 jylǵy maýsymda turǵyn úıdi satyp alý-satýdyń tirkelgen mámileleriniń sany 17 150 qurady. Bul ótken aımen salystyrǵanda 10,4 paıyzǵa joǵary. Sonymen qatar, 2016 jylǵy qańtar-maýsymda turǵyn úıdi satyp alý-satý mámileleriniń sany 87 867 qurap, ótken jylǵy tıisti kezeńmen salystyrǵanda 13,1 paıyzǵa artty», - delingen baspasóz baıanynda.
Jalpy alǵanda, turǵyn úılerdi satyp alý-satý mámileleriniń sany eń kóp Almaty qalasynda tirkeldi bul kórsetkish qalada maýsym aıynda 2 425-ti qurady. Budan keıingi orynda Astana qalasy 2 208 jáne Qaraǵandy oblysy 1754 mámile bolyp otyr. Esepti kezeńde turǵyn úı satyp alý-satý mámileleriniń sany eń az tirkelgen Ataraý oblysy, onda ótken bir aı ishinde úı satýǵa qatysty 358 mámile ǵana jasaldy.
