Jyl basynan beri Qazaqstanda baspana qymbattady
ASTANA. QazAqparat - Qazaqstanda 2018 jylǵy sáýirde jańa baspananyń 1 sharshy metriniń baǵasy 263 068 teńgeni qurap, 2017 jylǵy jeltoqsanmen salystyrǵanda 1,1% ósti, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.
Jaılastyrylǵan baspananyń 1 sharshy metriniń ortasha baǵasy sáýir aıynda 186 154 teńge (aldyńǵy aımen salystyrǵanda 0,2%, byltyrǵy jeltoqsanmen salystyrǵanda 0,3% ósken), al abattandyrylmaǵan úıdiń 1 sharshy metri orta eseppen 115 428 teńge (aldyńǵy aımen salystyrǵanda 0,4%, byltyrǵy jeltoqsanmen salystyrǵanda 0,8% ósken) boldy.
Ótken aıda Qazaqstanda jaılastyrylǵan úıdiń 1 sharshy metrin jalǵa alýdyń ortasha baǵasy 1341 teńgeni (aldyńǵy aımen salystyrǵanda 0,2%, byltyrǵy jeltoqsanmen salystyrǵanda 0,9% ósken) qurady.
