Jyl basynan beri Qazaqstanda azyq-túlik 4,9 paıyzǵa qymbattady
ASTANA. QazAqparat - Bıylǵy jyldyń 9 aıynda Qazaqstanda ınflıatsııa 5,6 paıyzdy qurady. QR Ulttyq ekonomıka mınıstrliginiń málimetinshe, azyq-túlik 4,9 paıyzǵa, aqyly qyzmetterge baǵa 5,3 paıyzǵa ósken, dep habarlady primeminister.kz.
Aǵymdaǵy jyldyń basynan beri baǵa jarmalarǵa 32,5, shaıǵa -25,8, qantqa - 22,4, nanǵa - 16,1, qaıta óńdelgen jáne konservilengen kókónisterge - 13, kondıterlik ónimderge - 11,9, kúnbaǵys maıyna - 11,8, salqyndatylǵan sýsyndarǵa - 10,8, makaron ónimderine - 10,2, jemis jáne kókónis shyryndaryna - 9,3, qus etine - 8,7, keptirilgen jemister men jańǵaqtarǵa - 8,3, toqash jáne unnan daıyndalatyn ónimderge - 7,9 paıyz qosylǵan.
Al, jınalǵan kókónisterdiń baǵasy 27,8, jumyrtqaniki - 8%, shıki súttiki 7,9 paıyzǵa arzanddy.
Dızel otyny 27,3, ballondaǵy suıytylǵan gaz 17,5 paıyzǵa qymbattady.
Baǵa deńgeıi densaýlyq saqtaý qyzmetteri boıynsha - 8, bilim berý - 6,1, demalys, oıyn-saýyq jáne mádenıet salasyndaǵy qyzmetter 5 paıyzǵa qymbattap, meıramhanalar men qonaq úıler - 4,8, shashtarazdar men jeke qyzmet kórsetý oryndary qyzmet kórsetý qunyn 2,9 paıyzǵa ósirdi.
Jolaýshylardyń alys qashyqtyqqa qatynaıtyn temir jol kóligimen jol júrý aqysy 12,5 paıyzǵa, áýe kóligi 11,8 paıyzǵa, ishki qalalyq qatynastarda avtobýs baǵasy 8,4 paıyzǵa ósti.
