Jyl basynan beri Qazaqstanda áýe kóligimen bir mıllıonnan astam jolaýshy tasymaldandy
ASTANA. QazAqparat - Qazaqstan Respýblıkasynyń avıatsııalyq tasymal salasyndaǵy jolaýshylar aǵynynyń ósimi artyp keledi. Bul týraly Qazaqstan Respýblıkasynyń Investıtsııalar jáne damý mınıstrligi Azamattyq avıatsııa komıtetiniń baspasóz qyzmeti habaraıdy.
«Bıylǵy qańtar-aqpan aılarynda áýe tasymaly jolaýshylarynyń sany 1 090,3 myńǵa jetti, bul 2017 jyldyń sáıkes kezeńindegi kórsetkishpen salystyrǵanda (911,0 myń adam) 20%-ǵa artyq» delingen habarlamada.
Aıta keteıik, ótken jyly áýe kóligimen 7,4 mıllıon jolaýshy tasymaldandy. 2017 jylǵy jolaýshylar aǵynynyń ósý qarqyny 23%-dy qurap, sońǵy 25 jyldaǵy eń joǵary kórsetkishke jetti. Tranzıttik jolaýshylar tasymaly 30%-ǵa, júk tasymaly 24%-ǵa artqan.
Foto: snewstracker.ru
