Jyl basynan beri Qazaqstanda 20-dan astam bala sýǵa ketti
ASTANA. QazAqparat - QR ІІM Tótenshe jaǵdaılar komıteti qazaqstandyqtardy sý qoımalary mańynda demalys barysynda balalardy nazardan tys qaldyrmaýǵa shaqyrdy.
«Bizde ótken aptada Almaty oblysynda eki qaıǵyly oqıǵa oryn aldy. Eki bala ózderiniń úıleri aýlasyndaǵy sý quıylǵan ydystarda sýǵa batty. Bul neni bildiredi? Meniń oıymsha, bul rette ata-analardyń nemquraılylyǵyn baıqaýǵa bolady. Jalpy, jyl saıyn elimiz boıynsha sý qoımalarynda 100-ge jýyq bala qaıǵyly oqıǵaǵa tap bolady. Bıyldyń basynan beri respýblıka boıynsha 20-dan astam bala sýǵa batty», - dedi atalǵan komıtettiń resmı ókili Rýslan Imanqulov Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, TJK bólimsheleri, jedel-qutqarý otrıadtary bilim berý basqarmalarymen birlese jyl basynan beri myńnan astam balany sýda júzege úıretti.
