Jyl basynan beri Qazaqstanda 17 bala sýǵa ketti
ASTANA. QazAqparat - 2017 jyly Qazaqstandaǵy sý qoımalarynda 33 adam sýǵa ketti, onyń 17-si balalar. Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov málim etti, dep habarlaıdy QazAqparat.
Atap aıtqanda, 2016 jyly sýǵa túsý maýsymynda 393 adam ajal qushyp, sonyń 147-si balalar men jasóspirimder. Al bıylǵa sýǵa shomylý maýsymy endi ǵana bastalyp jatyr. Ózender men kólderde balalarǵa qatysty qaıǵyly oqıǵalardyń kóbi qaýipsizdik erejelerin saqtamaý men ata-analardyń durys qaramaýynan oryn alyp jatady.
«Árbir adam sý qoımasyndaǵy qaýipti jerler men onyń erekshelikterin jaqsy bilýi tıis. Sebebi durys jabdyqtalmaǵan oryndarda densaýlyqqa zııan keltiretin zattar bolýy múmkin. Sýdaǵy motorly qaıyqtarǵa jaqyn júzý óte qaýipti»,-dep eskertti Imanqulov.
Sonymen qatar resmı ókil belgili bir temperatýralyq rejimderde sýǵa túsý ýaqyty jaıynda este saqtaıtyn málimetterdi aıtty.
«Sý temperatýrasy +18 bolǵanda, shomylý ýaqyty 6-8 mınýt, +20 kezinde 10-12 mınýt, al eger temperatýra +20-dan asqan jaǵdaıda, onda 15 mınýt shomylýǵa bolady»,-dedi Rýslan Imanqulov.
