Jyl basynan beri Qazaqstanda 12 myńnan astam adamdy poıyz basyp kete jazdady - Kóliktegi ІІD

ASTANA. QazAqparat - Aǵymdaǵy jyldyń basynan beri kólik polıtseıleri temir joldardy belgilenbegen oryndardan kesip ótýge qatysty 12 493 azamatty ákimshilik jaýapkershilikke tartty, dep habarlady Kóliktegi ІІD baspasóz qyzmetinen.

«Máselen, 20 maýsym kúni Shymkent st. Іshki ister jelilik basqarmasyna Mankent stantsııasyndaǵy Jelilik polıtsııa bólimi kezekshi bóliminen OQO Saıram aýdanynyń 16 jastaǵy turǵynyn manevrlik poıyz basyp ketkeni jóninde habarlama kelip tústi. Qaıǵyly jaǵdaı zardap shekken adamnyń «qaýipsizdik erejelerin saqtamaý» salǵyrttyǵynan oryn alǵan. Oqıǵa ornyn qaraý barysynda jasóspirimniń alǵan jaraqattardan oqıǵa ornynda kóz jumǵany anyqtaldy. Atalǵan fakt QR QK-niń 344 babynyń 2 tarmaǵy (Temirjol kóligi júrisi nemese olardy paıdalaný qaýipsizdigi qaǵıdalaryn buzý) boıynsha sotqa deıingi tergeýdiń biryńǵaı tiziliminde tirkeldi. Qazirgi ýaqytta tergeý amaldary júrgizilýde», delingen habarlamada.