Jyl basynan beri Qazaqstanda 109 adam sýǵa batyp ketti, onyń 37-si - balalar
ASTANA. QazAqparat - Qazirgi kezde Qazaqstannyń sý qoımalarynda sýǵa batyp ketken adamdar sanynyń ósýi baıqalyp otyr. TJ Komıtetiniń málimetterinshe, 2016 jyldyń ótip ketken kezeńinde 109 adam, sonyń ishinde 37 bala sýǵa batyp ketti.
«Aǵymdaǵy jyldyń mamyr aıynda ǵana 45 adam sýǵa batqan, bul rette eldiń kóptegen aýmaqtarynda shomylý maýsymy ashylǵan joq. Sýǵa batyp ketkenderdiń jalpy sanynyń 30 paıyzy - sý qoımalarynyń qasynda eresekterdiń qaraýynsyz qalǵan balalar (37 oqıǵa). Adamdardyń qaza tabýynyń 34 oqıǵasy balyq aýlaý kezinde jeke qutqarýshy jabdyqtarsyz júrip, qaýipsizdik erejelerin buzý sebebimen tirkelgen», - delingen TJ Komıteti baspasóz qyzmetiniń habarlamasynda.
Adamdardyń sýda qaza bolýynyń barlyq jaǵdaılary qutqarý bólimsheleri joq jabdyqtalmaǵan sý qoımalary men jabaıy jaǵajaılarda tirkelgenin atap ótý kerek.
