Jyl basynan beri Qazaqstan halqynyń sany shamamen 60 myńǵa ósti
ASTANA. 14 mamyr. QazAqparat - Aǵymdaǵy derekter boıynsha, 2012 jylǵy 1 aqpanda Qazaqstan halqynyń sany 16 737,5 myń adamdy qurady.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
«Onyń ishinde qala halqy - 9 mln. 150 myń (54,7 paıyzy), al aýyldyq jerlerde - 7 mln. 583 myń adamdy qurady. 2012 jyldyń basymen salystyrǵanda halyq sany 59,1 myń adamǵa nemese 0,4 paıyzǵa ósti», - dedi tóraǵa.
Onyń aıtýynsha, eldiń tabıǵı ósimi 55,4 myń adamdy qurady. 2011 jyly bul kórsetkish 51,5 myńdy quraǵan bolatyn.
