Jyl basynan beri Qazaqstan halqy 80 myń adamǵa artty
ASTANA. 14 mamyr. QazAqparat - Jyl basynan beri Qazaqstan halqy 80 myń adamǵa artty. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
Onyń atap ótýinshe, aǵymdaǵy jyldyń basynan bergi ýaqytta Qazaqstan halqy 81,6 myń adamǵa ósim kórsetken. Eger de ótken jyldyń sáıkes kezeńimen salystyrsaq, ósim 6,5 paıyzdy quraıdy. Jalpy 1 mamyrdaǵy derekterge sáıkes el halqynyń sany 16 757 myńǵa jetti.
Halyqtyń tabıǵı ósimi 2012 jyldyń qańtar-sáýirinde 77,12 myńdy qurady. Osy kezeńde 126,4 myń sábı dúnıege esigin ashty. Bul ótken jyldyń sáıkes kezeńimen salystyrǵanda 2,8 paıyzǵa artyq.
