Jyl basynan beri qarjy pıramıdasyna urynǵandar 600 mln teńgege shyǵyndalǵan

NUR-SULTAN. QazAqparat – Jyldyń 5 aıynda qarjy pıramıdalaryna qatysty tirkelgen qylmystyq ister boıynsha jábirlenýshiler 600 mln teńgeden astam somaǵa japa shekken, dep habarlaıdy QazAqparat tilshisi.

Іshki ister mınıstrligi baspasóz qyzmetiniń málimeti boıynsha, kórsetilgen shyǵyn kólemi kún saıyn ózgerip turady. QazAqparattyń resmı saýalyna joldanǵan jaýapta osylaı delingen.

«Іshki ister organdarynda Qylmystyq kodekstiń 217-baby (qarjy pıramıdalary) boıynsha tirkelgen isterdiń jalpy shyǵyny 600 mln teńgeden asady. (Bul san kún saıyn ózgerip otyrady)», - dep jazady ІІM mamandary.

Mınıstrliktiń málimetine súıensek, 2022 jyldyń 5 aıynda ishki ister organdarynda qarjy pıramıdalary boıynsha 27 qylmystyq is tirkelip, onyń jeteýi QR Qarjy monıtorıngi agenttigine joldanǵan. Kompanııalardyń ústinen jedel tergeý júrip jatyr. Qylmystyq kodekstiń 217-baby boıynsha 32 adam qylmystyq jaýapkershilikke tartylǵan, onyń 14-i qamaýda.