Jyl basynan beri Qaraǵandy oblysynyń turǵyndaryna 73,5 myńnan astam KT jasaldy
QARAǴANDY. QazAqparat – Qaraǵandy oblysynda jyl basynan beri 73 myńnan astam KT zertteýi jasaldy. Olardyń basym bóligi KVI dıagnozy rastalǵan naýqastarǵa ótkizildi, dep habarlaıdy QazAqparat tilshisi.
Qaraǵandy oblysynda 12 medıtsınalyq uıymda kompıýterlik tomograftar jumys isteıdi. 2021 jyldyń 8 aıynda oblystyń túrli qalalary men aýdandaryndaǵy KT apparattarda 73 579 zertteý júrgizildi. Bul zertteýlerdiń kóp bóligi ókpeniń KT zerteýleri Sovid-19 kúdikti nemese rastalǵan naýqastarda qurady.
«KT-dıagnostıkanyń eń Aqparattyq ádisteriniń biri, dáriger zertteletin organnyń birneshe ret túsirilgen sýretterin, patologııalyq oshaqtyń nysanaly fotosýretterin alady. Bul ádistiń joǵary aqparattylyǵy men sýretterdiń jaqsy sapasy dárigerlerge patologııanyń bar-joǵyn 100% dáldikpen anyqtaýǵa, emdeýdiń tıimdi taktıkasyn ázirleýge múmkindik beredi», - dep tolyqtyrdy medıtsınalyq saqtandyrý Qorynyń Qaraǵandy fılıalynyń monıtorıng bóliminiń basshysy Toǵjan Elshına.
56 jastaǵy qaraǵandylyq Svetlana Lazarevaǵa 2021 jyldyń shildesinde koronavırýs ınfektsııasy dıagnozy qoıyldy. Emdeý kezinde áıelge úsh ret KT jasady. Barlyq zertteýler, sondaı-aq emdelýshige arnalǵan emdeý tegin jáne ony medıtsınalyq saqtandyrý Qory tóleıdi.
«Ókpeniń zaqymdaný paıyzy 56% - ǵa jetti. Árıne, bul qıyn jáne qorqynyshty boldy. Der kezinde aýrýdy anyqtap, qajetti kómek kórsetken jaqsy boldy. Dári-dármektermen de, qajetti zertteýlermen de problemalar bolǵan joq. Barlyǵy tegin ótkizildi», - deıdi Qaraǵandy kovıdtik gospıtaliniń burynǵy patsıenti.
2021 jyldyń 8 aıynda medıtsınalyq saqtandyrý Qory KT zertteýin tóleýge 713,5 mln. teńge jiberdi.
Kompıýterlik tomografııa (KT) - ártúrli aýrýlardy dıagnostıkalaýdyń zamanaýı ádisteriniń biri. Bul zertteý ádisiniń negizi rentgen sáýleleriniń áreketi bolyp tabylady. Qurylǵy patsıenttiń aınalasynda aınalady jáne birneshe sýretke túsiredi, ony kompıýter óńdeıdi jáne dáriger qorytyndylaıdy. Kompıýterlik tomografııa adamnyń ishki aǵzalary men tinderiniń aýrýlaryn dıagnostıkalaý úshin júrgiziledi.
