Jyl basynan beri kámeletke tolmaǵandarǵa qatysty 800-den astam qylmys jasalǵan
NUR-SULTAN. QazAqparat - Bıylǵy jyl basynan beri kámeletke tolmaǵandarǵa qatysty 821 qylmys tirkelip, ósim 4%-dy qurady.
Bul týraly onlaın brıfıngte QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova aıtty, dep habarlaıdy QazAqparat.
«Sońǵy jeti jylda qabyldanǵan sharalardyń nátıjesinde kámeletke tolmaǵandar tarapynan jasalatyn quqyqbuzýshylyqtardyń sany jyl saıyn myń faktige azaıyp otyr. 2013 jyldan bastap olardyń sany tórt esege azaıdy. On bir aıdyń qorytyndysy boıynsha quqyq buzýshylyqtardyń sany 15% -ǵa kemidi. Sonymen qatar, 2015 jyldan 2019 jylǵa deıin kámeletke jynystyq turǵydan jasalǵan qylmystar sany 35% -ǵa azaıdy. Osy jyldyń basynan beri osy sanattaǵy 821 qylmys tirkeldi. Ósim 4%-dy qurady», - deıdi bólim bastyǵynyń orynbasary.
Osy jyly qylmystyń kóbeıýi statıstıkalyq málimetterdi qalyptastyrý tásilderiniń ózgerýimen baılanysty ekenin atap ótken jón. Mysaly, Qaraǵandy oblysy departamentinde kámelettik jasqa tolmaǵan qyz ben onyń 2007 jylǵy qurbysyna anasynyń aǵasy jáne anasymen birge turyp jatqan er adamnyń zorlyq kórsetýine baılanysty qatysty sotqa deıingi tergeý amaldary júrgizildi. 2019 jyldyń ishinde kámeletke tolmaǵandarǵa qatysty 57 qylmys jasaldy.
«Kámeletke tolmaǵandar eresek er adamdarmen jynystyq qatynasqa ózara kelisim boıynsha túskenin atap ótken jón. Bul qylmystardyń 40% jýyǵy 16 jasqa tolmaǵandarmen jynystyq qatynas, onyń 146-sy (nemese 50% derlik) polıtsııa densaýlyq saqtaý organdarymen jumys isteý barysynda anyqtaǵan jáne Qazaqstan Respýblıkasy Qylmystyq kodeksiniń 122-babyna sáıkes sotqa deıingi tergeýler bastalǵan», - deıdi spıker.
