Jyl basynan beri iKOMEK ortalyǵyna 1 mln ótinish kelip túsken

NUR-SULTAN. QazAqparat - Nur-Sultan qalasyndaǵy iKOMEK109 biryńǵaı baılanys ortalyǵyna jyl basynan beri 1 mln-nan astam ótinish tústi. Alǵashqy qońyraýdan bastap búginge deıin 844 myń ótinish qaraldy, dep habarlaıdy QazAqparat qalalyq monıtorıng jáne jedel áreket etý ortalyǵyna silteme jasap.

«2018 jyly mıllıonnan astam ótinish kelip tússe, 2019 jyly ótinishter sany 1,6 mıllıonǵa jetti. Al 2020 jyldyń tolyq emes bes aıyndaǵy kórsetkish mıllıonǵa jetip otyr. ıAǵnı, bul iKOMEK-tiń tek yńǵaıly servıs ǵana emes, ol arqyly adamdar ákimdikke nemese kommýnaldyq uıymdarǵa habarlasa alatynyn kórsetedi. Sondaı-aq azamattardyń sany da artyp otyr», - deıdi iKOMEK qalalyq ortalyǵynyń jetekshisi Jannat Dúbirova.

Ótken jyly elordalyq 575 myńnan astam turǵyn iKomek qyzmetin paıdalandy. Qala turǵyndarymen salystyrsaq (1,078 mln), bul - joǵary kórsetkish.

«Bul – qala turǵyndary elordamyzdyń damýyna nemquraıly qaramaıdy degen sóz», - deıdi Jannat Dúbirova.

Turǵyndar ózine yńǵaıly tásilmen ıaǵnı, telegram bot, ákimdik saıty nemese mobıldi qosymsha arqyly baılanys ornata alady.

Árbir ótinish avtomatty túrde tirkelip, jaýapty uıymdarǵa oryndaýǵa jiberiledi. iKOMEK qalalyq ortalyǵynyń mamandary ótinishtiń oryndalý barysyn baqylaýda ustaıdy.