Jyl basynan beri halyqty vaktsınalaýǵa 61 mlrd teńge jumsalǵan
«2021 jylǵa vaktsına satyp alý úshin 95 mlrd teńgeden astam qarajat josparlanǵan. Sonyń 61 mlrd teńgesi vaktsınalar men ony egýge qajet shprıts alý úshin jumsaldy. Sonymen qatar, statsıonalardaǵy naýqastarǵa kómek kórsetip jatqan medıtsına qyzmetkerlerin yntalandyrý úshin berilip jatqan qosymsha aqsha bar. Onyń mólsheri ótken aılarda 89 mlrd teńge boldy. Ol aı saıyn medıtsına qyzmetkerleriniń eńbekaqysyna qosymsha berilip otyr», - dedi vıtse-mınıstr.
Vedomstvo ókili naýqastardy emdeýge qansha qarajat jumsalǵanyn da atap ótti.
«Sonymen qatar qarjy koronavırýs aýrýlaryn emdeýge, onyń aldyn alý sharalaryna bólinip jatyr. Respýblıkalyq bıýdjetten koronavırýs ınfektsııasy rastalǵan naýqastardy emdeýge 80 mlrd teńge josparlanǵan. Qazir sonyń shetinen árbir medıtsınalyq uıymǵa bólinip otyr. Saqtandyrý qorynan koronavırýsy dáleldenbegen nemese koronavırýs pnevmonııasymen aýyrǵan adamdardy emdeý úshin 17 mlrd teńgeden astam qarajat qarastyrylǵan», - dedi Ajar Ǵınaıat.
