Jyl basynan beri halyqaralyq rezerv 3,2 paıyzǵa artyp, 94,3 mlrd AQSh dollaryna jetti - Ulttyq bank
ASTANA. QazAqparat - Jyl basynan beri halyqaralyq rezerv 3,2 paıyzǵa artyp, 94,3 mlrd AQSh dollaryna jetti. Búgin Parlament Senatynyń jalpy otyrysynda 2015 jylǵy bıýdjettiń atqarylýy týraly Úkimettiń esebin talqylaý barysynda baıandama jasaǵan QR Ulttyq banki tóraǵasynyń orynbasary Alpysbaı Ahmetov osylaı málim etti.
Onyń aıtýynsha, Ulttyq banktiń jalpy halyqaralyq rezervteri jyl basynan beri mamyrdyń sońyna deıin 1 mlrd dollarǵa ósip, 28,8 mlrd dollardy qurady. Mamyrdyń sońynda Ulttyq qor aktıvteri jyl basynan beri 65,5 mlrd AQSh dollaryna deıin ósti.
«Ulttyq qor kóleminiń ósýi jalpy portfeldegi qarjy quraldarynyń oń ınvestıtsııalyq kiristiligine baılanysty bolyp tabylady. Sonymen qatar, valıýtadaǵy túsimder de oń nátıje kórsetýde. Osynyń nátıjesinde elimizdiń halyqarlyq rezervteri jyl basynan beri 2,9 mlrd nemese 3,2 paıyzǵa arta otyryp, 94,3 mlrd AQSh dollaryna jetti», - dedi A. Ahmetov.
