Jyl basynan beri esirtki jarnamalaǵan 3500 saıt jabyldy - ІІM
«Sıntetıkalyq preparattar áleýmettik jeliler arqyly «úndemeı» kelip kiretin indetterdiń biri bolyp otyr. 2017 jyly bizdiń tıisti qyzmetter 400 esirtki satýshy saıtty anyqtap, buǵattaǵan bolatyn. Al 2018 jyly bul statıstıka barynsha kóterilip, 5 myńǵa tarta saıt buǵattaldy. Osy jyldyń 4 aıynyń ózinde QR ІІM 3,5 myń saıtty buǵattap otyr. ıAǵnı, bul saıt arqyly, áleýmettik jeli arqyly esirtki saýdasynyń qyzyp turǵanyn dáleldeıdi», - dedi ol OKQ-da ótken baspasóz máslıhatynda.
Onyń aıtýynsha, esirtki qylmysyna qarsy is-qımylda qazirgi zamannyń úzdik tehnıkalaryn paıdalaný kózdelip otyr. Jalpy, esirtki qylmysymen kúres úsh baǵyt boıynsha iske asyrylady. Birinshiden, ishki ister organdarynyń arnaıy bólimsheleri iri esirtki satýshylardy anyqtaýdy kózdegen. Ekinshiden, ınternet-resýrstar arqyly esirtki taratý qylmysy úshin Qylmystyq kodekste jaýapkershilikti kúsheıtý baptaryn engizý josparlanýda. Úshinshiden, mınıstrliktiń ortalyq apparatynda aqparattyq-kommýnıkatsııalyq júıedegi esirtki qylmysyna qarsy kúres máselelerimen aınalysatyn bólinis bar.