Jyl basynan beri erlerge qaraǵanda áıelder jumysqa kóp ornalasty
Bul týraly astana.kz saıtyna Astana qalasy ákimdigi janyndaǵy Áıelder isi jáne otbasylyq-demografııalyq saıasat jónindegi komıssııa hatshysy Lázzat Qusaıynova málim etti
Onyń aıtýynsha, mundaı oń ózgeris kóp jyldardan beri alǵash ret baıqalyp otyr.
2012 jyly Astana qalasynyń Jumyspen qamtý jáne áleýmettik baǵdarlamalar basqarmasyna jumys izdep 12 638 adam habarlasqan. Telefon soqqandardyń ishinde - 7 997 áıel (63%), 14-29 jas aralyǵyndaǵy jastar - 6316 (59,4%).
«Jyl basynan beri 5582 adam jumysqa ornalasqan, onyń ishinde áıelder - 3552 (63%), erler - 1493. Mundaı oń statıstıka alǵash ret baıqalyp otyr», - deıdi L. Qusaıynova.
Onyń aıtýynsha, oń ózgeriske yqpal etken memlekettik baǵdarlamalardyń iske asyrylýy. Mysaly, shaǵyn jáne orta kásipkerlikti, sonyń ishinde áıelder kásipkerligin qoldaýdyń bir joly, «Bıznestiń jol kartasy 2020» baǵdarlamasyn iske asyrý. Bul qazirgi kezde qarqyn alyp, kásipkerlik salasyn qoldaýdyń tıimdi mehanızmine aınaldy. Qoldaý tapqan jobalar sany buǵan kýá bola alady.
2012 jyldyń 1 jeltoqsanyndaǵy jaǵdaı boıynsha Astana qalasynyń Jedeldetilgen ındýstrıaldyq damý jónindegi úılestirý keńesinde 27 335,1 mln. teńge nesıe qorjyny somasyna 109 joba qaraldy, onyń ishinde 6 746,8 mln. teńge somaǵa 22 jobaǵa qoldaý kórsetildi, barlyq jobalardyń basshylary - áıelder.
Іske asyrylatyn jobalardyń negizgi bóligi azyq-túlik ónimderin (nan-toqash ónimderi, kondıterlik ónimder óndirisi) shyǵaratyn óńdeýshi ónerkásipter - 43 joba (43%), kólik salasy - 17%, qonaq úı bıznesi - 15%, bilim berý - 11%, densaýlyq saqtaý salasy - 8% jáne basqalar - 6%.
«Damý» kásipkerlikti damytý qory» AQ jelisi boıynsha «Áıelder kásipkerligin damytý» baǵdarlamasy iske asyrylyp jatyr, onyń aıasynda 9 kásipker áıelge 49,52 mln. teńge nesıe berildi.