Jyl basynan beri «Eńbek» membaǵdarlamasyna 286 myńǵa jýyq adam qatysty

NUR-SULTAN. QazAqparat -Aǵymdaǵy jylǵy 1 maýsymdaǵy jaǵdaı boıynsha 285,8 myń adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy. Bul týraly QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

Atap atıqanda, «Eńbek» memlekettik baǵdarlamasy boıynsha 210,1 myń adam jumysqa ornalastyryldy, onyń 107,1 myńy – turaqty.

Baǵdarlamanyń birinshi baǵyty aıasynda qysqa merzimdi kýrstarǵa 7,4 myń adam jiberildi.

Óz isin ashý úshin 2 myńnan astam adam jeńildikti mıkrokredıtter, al 11,1 myńy qaıtarymsyz memlekettik granttar aldy.

Sýbsıdııalanatyn jumys oryndaryna 111,7 myń adam jumysqa ornalastyryldy, onyń ishinde: áleýmettik jumys oryndaryna 14,3 myń adam; jastar praktıkasyna – 9,9 myń adam; qoǵamdyq jumystarǵa – 87,5 myń adam.

Eńbek resýrstarynyń utqyrlyǵy sheńberinde 745 otbasy nemese 2 383 adam qonys aýdardy, onyń ishinde 1 072 adam eńbekke qabiletti jasta. Onyń ishinde 701 adam jańa turǵylyqty jerinde turaqty jumys oryndaryna ornalastyryldy jáne 40 adam kásipkerlik qyzmetpen aınalysady.

Esterińizge sala keteıik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappaı kásipkerlikti damytýǵa 12,7 myń mıkrokredıt jáne jańa bıznes-ıdeıalardy iske asyrýǵa 44,9 myń memlekettik qaıtarymsyz grant berildi.

Qysqa merzimdi oqytý kýrstaryna 18,7 myń adam jiberildi, al TjKB uıymdarynda oqytýmen 18,4 myń adam qamtyldy.

Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adamy bar 1,8 myń otbasy qonys aýdardy.