Jyl basynan beri eńbek ınspektorlary 8,1 myńnan astam jumyskerdiń quqyǵyn qorǵady

ASTANA. QazAqparat - 2023 jylǵy 1 sáýirdegi jaǵdaı boıynsha Memlekettik eńbek ınspektorlary respýblıkanyń 249 kásiporynda 11,3 myń jumyskerdiń aldynda 1,9 mlrd teńgeden astam somaǵa jalaqy boıynsha bereshekti anyqtady.

Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmetinen málim boldy, dep habarlaıdy QazAqparat.

Osy kásiporyndardyń basshylaryna oryndalýy mindetti 248 nusqama berilip, 31,6 mln teńgeden astam somaǵa aıyppul salyndy.

«Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 8,1 myńnan astam jumyskerdiń quqyǵy qorǵaldy. Olarǵa 1,3 mlrd teńge tólendi»,-delingen habarlamada.