Jyl basynan beri eńbek ınspektorlary 426 kásiporynǵa 64,6 mln teńgeden astam somaǵa aıyppul saldy

ASTANA. QazAqparat – Jyl basynan beri memlekettik eńbek ınspektorlary 11,4 myńnan astam jumyskerdiń quqyǵyn qorǵady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

2023 jylǵy 1 mamyrdaǵy jaǵdaı boıynsha Memlekettik eńbek ınspektorlary respýblıkanyń 426 kásiporynda 13,6 myń jumyskerdiń aldynda 2,6 mlrd. teńgeden astam somaǵa jalaqy boıynsha bereshekti anyqtady.

Osy kásiporyndardyń basshylaryna oryndalýy mindetti 445 nusqama berilip, 64,6 mln teńgeden astam somaǵa aıyppul salyndy.

Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 11,4 myńnan astam jumyskerdiń quqyqtary qorǵaldy. Olarǵa 2,1 mlrd teńge tólendi.