Jyl basynan beri elordalyq ýchaskelik ınspektorlar turǵyndar aldynda 1 myńnan astam eseptik kezdesýler men jıyndar ótkizdi

Bul týraly búgin jýrnalıstermen bolǵan aptalyq brıfıngte Astana qalalyq Іshki ister departamenti bastyǵynyń orynbasary Qaırat Muhıtov málim etti, dep habarlaıdy QazAqparat.

Onyń aıtýynsha, aǵymdaǵy jyldyń qazan aıynyń 10-nan bastap  ýchaskelik ınspektorlardyń eseptik kezdesýlerine baılanysty keń kólemdi arnaıy shara ótýde jáne ol jeltoqsannyń 10-na deıin jalǵasatyn bolady. Oǵan «Nur Otan» HDP Astana qalalyq fılıalynyń ókilderi men jergilikti atqarýshy organdardyń jáne páter ıeleri koperatıvteriniń tóraǵalary qatysýda. Shara barysynda turǵyndar tarapynan ýchaskelik polıtsııa qyzmetkerlerine qatysty aıtqan usynystar men aryzdar jedel túrde qaralyp, ol boıynsha tıisti sharalar qoldanylatyn bolady. Qazan aıynyń 10-nan beri elordada osyndaı 80-nen astam kezdesý uıymdastyrylǵan.