Jyl basynan beri elordaǵa 14 myńnan astam adam kóship kelgen
ASTANA. QazAqparat - Halyqtyń aǵymdaǵy esebiniń derekteri boıynsha 2015 jylǵy qańtar-mamyrda elordaǵa 14326 adam kelip, 13770 adam ketken (kóshi-qon aıyrymy +556 adam), - dep habarlaıdy qalalyq ákimdiktiń baspasóz qyzmeti.
Astana qalasynyń «Almaty» aýdanyna kelgender 4572 adam jáne ketkender 8525 adam (kóshi-qon aıyrymy -3953 adam), «Esil» aýdanyna kelgender 5057 adam jáne ketkender 1453 adam (kóshi-qon aıyrymy +3604 adam), «Saryarqa» aýdanyna kelgender 4697 adam jáne ketkender 3792 adamdy (kóshi-qon aıyrymy +905 adam) qurady.
Kóshi-qonnyń jaǵymdy aıyrymy, negizinen ishki kóshi-qon esebinen (+405 adam) qalyptasty. Syrtqy kóshi-qon boıynsha da oń aıyrym (+151 adam) baıqalady.
2015 jylǵy qańtar-mamyrda 2014 jylǵy qańtar-mamyrmen salystyrǵanda Astanaǵa kelgender sany 29,6% azaıyp, ketkender sany 26,2% artty.
Qalanyń negizgi kóshi-qon almasýy óńiraralyq kóshi-qon esebinen qalyptasqan: 2015 jylǵy qańtar-mamyrda kelgender 9703 adamdy, ketkender 9298 adamdy quraıdy.
Elordanyń kóshi-qon ósiminde kelgender úlesi Aqmola oblysynan - 17,4%, Ońtústik Qazaqstan - 15,0%, Qaraǵandy - 9,1%, Almaty qalasynan - 11,4%, Shyǵys Qazaqstannan 8,8% jáne basqa oblystardan 38,3% qurady.
Astana qalasynyń myna TMD elderimen kóshi-qon aıyrymy oń mándi: Ózbekstan (+58 adam), Qyrǵyz Respýblıkasy (+37 adam), Reseı Federatsııasy (+31 adam).
Basqa eldermen oń mándi kóshi-qon aıyrymy, negizinen, Qytaı (+12 adam), Mońǵolııa (+4 adam), Túrkııamen (+4 adam) qalyptasty.
Ulty boıynsha kóship-qonýshylar qurylymyndaǵy aıtarlyqtaı úles salmaq qazaqtarǵa tıesili, olarǵa kelgenderdiń jalpy sanynyń 88,7% jáne ketkender sanynyń 87,7% keledi. Kelgender men ketkender arasynda orystardyń úlesi tıisinshe 5,9% jáne 6,8%, ýkraındar - 0,7% jáne 0,8%, ózbekter - 0,6% jáne 0,6%, tatarlar - 0,7% jáne 0,7%, nemister - 0,6% jáne 0,9%, ózge ulttar 2,8% jáne 2,5% quraıdy.
