Jyl basynan beri elordada júrgizýshilerdiń kinásinen 93 jol apaty boldy
NUR-SULTAN. QazAqparat – Bıyldyń basynan beri elorda joldarynda 121 adam jaraqat aldy. Bul týraly elordalyq Polıtsııa departamenti Ákimshilik polıtsııa basqarmasynyń basshysy Eljan Chýpekov aıtty, dep habarlaıdy QazAqparat tilshisi.
«2022 jyldyń 3 aıynda qala joldarynda 113 jol-kólik oqıǵasy tirkeldi. Osy oqıǵalardyń saldarynan 121 adam jaraqat alyp, eki adam qaza tapty», - dedi E. Chýpekov baspasóz máslıhatynda.
Onyń aıtýynsha, jol-kólik oqıǵalaryna jasalǵan taldaý barysynda oqıǵalardyń kóbine júrgizýshilerdiń kináli ekeni anyqtaldy. Júrgizýshilerdiń kinásinen 93 jol-kólik oqıǵasy tirkelip, sonyń saldarynan 101 adam zardap shekti.
«Esepti kezeńde kólikke mas kúıinde otyrǵan júrgizýshilerdiń kinásinen 4 jol-kólik oqıǵasy boldy», - dedi basqarma basshysy.
Onyń sózine qaraǵanda, kámeletke tolmaǵandarǵa qatysty 14 jol-kólik oqıǵasy tirkelip, 14 bala dene jaraqatyn aldy.
