Jyl basynan beri elordada sybaılas jemqorlyqqa jaǵdaı týdyratyn quqyq buzýshylyqtar sany kóbeıgen

Bul týraly Astana qalalyq prokýratýrasynan habarlady.

Atalǵan kezeńde sybaılas jemqorlyq quqyq buzýshylyq jasaǵany úshin prokýrorlyq qadaǵalaý aktileri boıynsha 34 laýazymdy tulǵa tártiptik jaýapkershilikke tartylsa, prokýrorlyq yqpal etý sharalarymen ákimshilik quqyq buzýshylyqtar týraly 3 is qozǵaldy. Olardyń ishinde memlekettik satyp alý salasynda - 16, ákimshilik zańnamany qoldaný salasynda - 8, azamattardyń ótinishterin qaraý tártibin úzdiksiz buzǵany úshin - 4, lıtsenzııalaý salasynda - 3 jáne bilim berý salasynda 3 tulǵa tártiptik jaýapkershilikke tartyldy.

«Qyzmetkerleri sybaılas jemqorlyq quqyq buzýshylyqqa jol bergen mekemelerdiń arasynda Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyn baqylaý jónindegi komıteti, Astana qalalyq tótenshe jaǵdaılar departamenti, Astana qalalyq densaýlyq saqtaý basqarmasy, Astana qalalyq kóliktik baqylaý ınspektsııasy, Astana qalalyq aýyl sharýashylyǵy basqarmasy, elordanyń bala-baqshalary, lıtseıleri men medıtsınalyq mekemeler bar», - delingen baspasóz habarlamasynda.