Jyl basynan beri elordada kólik júrgizý quqyǵynan 486 adam aıyryldy
NUR-SULTAN. QazAqparat – Jyl basynan beri elordada kólik júrgizý quqyǵynan 486 adam aıyryldy. Bul týraly elordalyq Polıtsııa departamenti Ákimshilik polıtsııa basqarmasynyń basshysy Eljan Chýpekov aıtty, dep habarlaıdy QazAqparat tilshisi.
«Kólikke mas kúıinde otyrǵan 430 júrgizýshi ustaldy», - dedi E. Chýpekov bıylǵy úsh aıdyń qorytyndysy boıynsha ótken baspasóz máslıhatynda.
Onyń aıtýynsha, joldaǵy talaptardy saqtamaýdyń eń kóp taraǵan túri kólikti turaqqa qoıý men toqtap turý talaptaryn buzýǵa qatysty bolyp tur. Osy oraıda 2 083 fakti tirkeldi. Sonymen qatar, joldaǵy belgilerdi elemeýdiń 3 729 faktisi anyqtalǵan.
«Jyl basynan beri kólikti júrgizý quqyǵynan 486 júrgizýshi aıyryldy. Ákimshilik turǵyda 397 adam qamaýǵa alyndy. Jaıaý júrginshiler arasynda jol erejesi talaptaryn oryndamaǵany úshin 3 143 adam tirkeldi», - dedi Eljan Chýpekov.
Budan buryn habarlanǵandaı, 2022 jyldyń 3 aıynda qala joldarynda 113 jol-kólik oqıǵasy tirkeldi. JKO saldarynan 121 adam jaraqat alyp, eki adam qaza tapty.
