Jyl basynan beri elordada apatty jaǵdaıdaǵy 33 úıdiń turǵyndary jańa baspanaǵa kóshirildi
ASTANA. QazAqparat - Astana qalasy ákimdiginiń tozyǵy jetken jáne apatty jaǵdaıdaǵy úılerdi buzý jónindegi pılottyq jobasy júzdegen otbasyǵa jańa baspana tabýǵa múmkindik berdi. Óńirlerdi damytýdyń 2020 jylǵa deıingi baǵdarlamasy aıasynda qarastyrylǵan «Qoljetimdi baspana - 2020» jobasy 2017 jylǵa deıin 228 úıde turyp jatqan otbasylardyń máselesin sheshýge tıis. Jalpy, negizgi qurylys konstrýktsııalary men ınjenerlik jelileri ábden tozǵan 1940-70 jyldar aralyǵynda salynǵan úıler buzýǵa jatady, dep habarlaıdy qala ákimdiginiń baspasóz qyzmeti.
Baǵdarlama aıasynda apatty jaǵdaıdaǵy úılerdiń ıeleri jańadan salynǵan turǵyn úı keshenderine kóshiriledi. Jańa páterlerdiń aýdany burynǵy páterlerdiń aýdanymen birdeı bolady. Eski úılerdi qalpyna keltirýdiń mundaı júıesi kóptegen astanalyqtarǵa jańa ári jaıly úı syılaıtynyn aıtpaǵanda, memlekettiń turǵyn úı qurylysyna bólgen qarajatyn qaıtarýǵa múmkindik beredi, sondaı-aq turǵyn úı qurylysyn damytýǵa múmkindik beredi.
Bıyl «Qoljetimdi baspana - 2020» baǵdarlamasy boıynsha jańa úı alǵandardyń biri - Baqyt Janseıitova: «Biz Sembınov kóshesi, 6/3 úıde turdyq. Sýdy kóshedegi kolonkadan tasydyq. Dárethana dalada boldy. Al qazir baspanamyzǵa rızamyz, aıtar sózim joq. Ystyq sý kelip tur, úı jyly, jyly emes, ystyq dep aıtýǵa bolady. Men páterime óte rızamyn! Oǵan qolym jetkenime qýanyshtymyn», - deıdi.
Qonystanýshylardyń 95%-nan astamy jańa páterlerine qatysty osyndaı pikirde. Alaıda, jańa baspananyń burynǵy tozyǵy jetken ári apatty jaǵdaıdaǵy úılerge qaraǵanda áldeqaıda tıimdi balama bolyp tabylatynyna qaramastan, keıbir adamdar jańa úıdiń ornalasqan jerine (sol jaǵalaý, «Jaǵalaý» TK aýdany, oń jaǵalaý Qobylandy batyr jáne Býrabaı kósheleriniń qıylysy), aýdany boıynsha teń, biraq bólme sanynyń az bolýymen kelispeı, bir páterdiń ornyna eki páterdiń berilýin talap etip, kóshýden bas tartýda. Bul jaǵdaıda qyzmetiniń basym baǵyttarynyń biri naq osy joba bolyp tabylatyn Astana qalasynyń Turǵyn úı basqarmasy sotqa shaǵymdanýǵa májbúr.
Turǵyn úı basqarmasynyń habarlaýynsha, 2014 jyly apatty jaǵdaıdaǵy 11 úı buzylyp, 178 otbasy kóshirildi. Jyl basynan beri apatty jaǵdaıdaǵy 33 úıdiń 500 astam otbasy ornalastyryldy. 2015 jyldyń aıaǵyna deıin 28 apatty úıdegi 277 otbasy kóshiriletin bolady. 2017 jylǵa deıin jalpy, baǵdarlama aıasynda 3519 otbasy baspanamen qamtamasyz etilmek.
Aıta keteıik, Astanany 2030 jylǵa deıin damytýdyń bas josparyna sáıkes jalpy aýdany 37 mıllıon sharshy metr turǵyn úı salý josparlanyp otyr.
«Astana bas jospary» ǴZJI» JShS Astana qalasynyń bas jospary sheberhanasynyń bastyǵy Erlan Jaqypbekov: «2030 jylǵa deıingi bas jospardy damytý boıynsha halyqtyń sany 1 mln. 200 myń adamdy quraıdy dep eskerilgen. Turǵyn úı boıynsha bas josparda halyqty 37 mln. sharshy metr baspanamen qamtamasyz etý kózdelgen. Qazirgi kezde qalada shamamen 20 mln. sharshy metr turǵyn úı bar. ıAǵnı, 17 mln. sharshy metr úı salý qajet. Budan basqa, halyqty Astana qalasynyń normatıvterine sáıkes qamtamasyz etý úshin ınjenerlik jáne kólik ınfraqurylymyn, ıaǵnı áleýmettik nysandardy - balabaqshalardy, mektepter men basqa qajetti nysandardy damytý kózdelgen», - dedi.
