Jyl basynan beri elordada 5 myńǵa jýyq sábı dúnıege keldi
ASTANA. 8 sáýir. QazAqparat - 2013 jyly birneshe myń «jańa elorda turǵyny» dúnıege keldi. Bul týraly elordalyq Ádilet departamentine silteme jasap, astana.kz saıty málim etti.
«2013 jyldyń alǵashqy 3 aıynda Astanada 4893 sábı dúnıe esigin ashty»,- delingen habarlamada.
Statıstıkalyq málimetterge qaraǵanda, bas qalada jańa týǵandar sany ótken jyldyń osy kezeńimen salystyrǵanda óskendigi baıqalady. Aıtalyq, 2012 jyldyń І toqsanynda 4203 bóbek týǵan.
Buǵan deıin astana.kz saıtynda habarlanǵandaı, 2012 jyly elordada 21 myń 266 bala týdy. Orta eseppen ótken jyldyń ár aıynda 1 myń 772 sábı, táýligine - 59-ǵa tarta sábı jaryq dúnıege kelgen.
Sonymen qatar, aqparatqa sáıkes, 2013 jyldyń basynda áıelder barlyq qala turǵynynyń 51,3%-yn qurady. Olardyń 64,5-y - bala týý jasyndaǵy áıel.
Budan basqa ótken jyly Astanada ana ólimi 100 myń jańa bosanǵandarǵa shaqqanda 20,9-dan 4,7-ge deıin tómendegenin aıtqan lázim. Osyǵan oraı sábılerdiń shetineýi de azaıyp, 2011 jylǵa qaraǵanda 1 myń tiri týǵan balaǵa shaqqanda 10,5 boldy.
