Jyl basynan beri elordada 4 myńǵa jýyq JQE buzý oqıǵasy tirkeldi
ASTANA. 14 qańtar. QazAqparat - Astanada 2014 jyldyń eki aptasynda jol-patrýl polıtsııasy qyzmetkerleri Jol qozǵalysy erejelerin buzýdyń 3605 oqıǵasyn tirkedi.
Bul týraly astana.kz saıtyna ІІD baspasóz qyzmetinen habarlady.
«Ústimizdegi jyly ІІD jol-patrýl polıtsııasy qyzmetkerleri Jol qozǵalysy erejelerin buzýdyń 3605 oqıǵasyn anyqtady. Sonyń ishinde kólikti mas kúıinde basqarǵan 42 júrgizýshi, jyldamdyq rejımin buzǵan 89, joldyń qarsy baǵytyna shyqqan 62, baǵdarshamnyń qyzyl shamyna joldy kesip ótken 128 júrgizýshi ustaldy», - dep habarlady vedomstvodan.
Sonymen qatar, qaýipsizdik beldigin taqpaǵan 427 tártip buzýshy ákimshilik jaýapkershilikke tartyldy, 400-den astam jaıaý júrginshi Jol qozǵalysy erejelerin buzǵany úshin jazalandy.
Aıta keteıik, sot tártibimen 1014 ákimshilik quqyqbuzýshylyq isteri qaraldy. Qalany abattandyrý erejelerin buzǵan 256, tyıym salynǵan jerde temeki shekken 141, ishimdik ishken jáne mas kúıinde júrgen 380 jáne «usaq tártip buzýshylyq» baby boıynsha 27 adam jaýapkershilikke tartyldy.
