Jyl basynan beri elordada 19 avtokólik órtendi: TJD júrgizýshilerge eskertý jasady

Bul týraly QazAqparat qalalyq Tótenshe jaǵdaılar departamentiniń baspasóz qyzmetine silteme jasap habarlaıdy.

Qalyptasqan jaǵdaıǵa baılanysty Nur-Sultan qalasynyń Tótenshe jaǵdaılar departamentiniń ókilderi kólikti jylytýdyń qaýipsiz erejelerin eske saldy:

1) Avtomobıldi dánekerleý lampasy jáne gazben janatyn quraldarmen, basqasha aıtqanda ashyq otty paıdalaný qaýipti;

2) Avtokólikti jylytýǵa arnalmaǵan zattardy paıdalanbańyz;

3) Qyzýyna shetinen kusheıte otyryp, kólikti, kólikti birneshe kezeńde qyzdyryńyz;

4) Eger siz 3-4 áreketten keıin qozǵaltqyshty iske qosa almasańyz, azdap úzilis jasańyz, sodan keıin áreketińizdi taǵy bir ret qaıtalańyz;

5) Eger qozǵaltqyshty óz betińizshe iske qosý múmkin bolmasa, mamandarǵa habarlasyńyz;

6) Qozǵaltqyshty eski syrtqy kıimmen nemese kórpemen jabýǵa bolmaıdy - ol janýy múmkin. Jylýdy saqtaý úshin arnaıy materıaldy paıdalaný kerek;

7) Kóliktiń maıy qatyp qalmaý úshin avtomatty otaldyratyn qurylǵylardy paıdalanyńyz;

8) Eger siz benzındi únemdegińiz kelse, aıaz kezinde kólikti arnaıy turaqqa qoıyńyz nemese qozǵaltqyshty jylytý úshin sertıfıkattalǵan, janbaıtyn materıaldy paıdalanyńyz.

9) Jylytý úshin avtomobılge qoldan jasalǵan elektr jabdyǵyn ornatpańyz;

10) iske qosylǵan elektr jylytqyshtaryn mashınada qaraýsyz qaldyrmańyz, odan órt shyǵýy múmkin.