Jyl basynan beri elordada 12 myńnan astam jańa páter salyndy
ASTANA. 14 jeltoqsan. QazAqparat - 2012 jyldyń 11 aıynda Astanada turǵyn úı qurylysyna baǵyttalǵan ınvestıtsııa kólemi 54932,2 mln teńgeni qurady, dep habarlaıdy qalalyq Statıstıka departamenti.
Elordanyń resmı saıtynyń jazýynsha, qarjylandyrýdyń barlyq kózderi boıynsha, paıdalanýǵa 12 181 páter berildi. Paıdalanýǵa berilgen turǵyn úıdiń jalpy kólemi 1 189 713 sharshy metr. Jeke úı salýshylar jalpy kólemi 45 174 sharshy metr úı turǵyzdy.
Turǵyn úı qurylysynyń 1 sharshy metriniń ortasha naqty baǵasy 2012 jyldyń qańtar-qarasha aılarynda 92,2 myń teńgeni qurady (2011 jyly ol - 89,7 myń teńge), al turǵyn úı qurylysy paıdaly alańynyń 1 sharshy metriniń ortasha naqty baǵasy 125,8 myń teńge (2011 jyly ol - 118,2 myń teńge), sonyń ishinde jekemenshik úı salýshylarda - 44,2 myń teńge boldy.
