Jyl basynan beri elorda turǵyndarynyń sany 17,5 myńǵa artty
ASTANA. QazAqparat - Jyl basynan beri Astana halqynyń sany 17 560 artty. Halyqtyń tabıǵı ósimi - 8128 adamdy, kóshi-qon aǵyny 9432 qurady.
Bul týraly astana.kz saıtyna Astana qalasynyń Statıstıka departamentinen habarlady.
Taratylǵan málimetterge sáıkes, elorda halqynyń sany ishki (9004 adam) jáne syrtqy (428 adam) kóshi-qonnyń esebinen artyp otyr. Bul rette qalaǵa negizinen Aqmola, Ońtústik Qazaqstan jáne Qaraǵandy oblystarynan qonys aýdarady. Sheteldik azamattarǵa toqtalsaq, Astanaǵa turaqty turý úshin Ózbekstan men Qytaı azamattary jıi keledi. Ekinshi orynda Qyrǵyzstan jáne Mońǵolııa, sodan keıin Túrkııa, Reseı jáne Ázerbaıjan elderi. Al Túrkimenstan, Ýkraına jáne Tájikstannan keletinder sany az. Astanaǵa kelgenderdiń basym bóligi jumysqa ornalasýdy nemese jeke isin ashýdy kózdeıdi.
