Jyl basynan beri elorda aýmaǵynda 13 qylmystyq is qozǵalsa, sonyń 7-eýi esirtki satýmen baılanysty
ASTANA. Qańtardyń 27-si. QazAqparat /Marlan Jıembaı/ - Jyl basynan beri elorda aýmaǵynda 13 qylmystyq is qozǵalsa, sonyń 7-eýi esirtki satýmen aınalysqan tulǵalarǵa qatysty bolyp otyr.
Astana qalalyq ishki ister departamenti til saıasaty jáne aqparat bóliminiń bastyǵy Nurdildá Orazdyń aıtýynsha, 1 aıdyń ishinde zańsyz aınalymnan 51 keli 499 gramm esirtki zattary, onyń ishinde 981 gramm geroın tárkilengen.
Máselen, qalalyq ІІD departamenti qyzmetkerleriniń elorda aýmaǵyna esirtki zattaryn jetkizý arnalarynyń jol kesý maqsatynda ótkizgen jedel izdestirý sharalary barysynda Astana qalasynyń 1966 jylǵy azamatynyń esirtki satpaq bolǵandyǵy jaıynda aqparat kelip túsken. Osyǵan oraı keshe keshkisin buryn da osyndaı qylmysy úshin eki jylǵa sottalǵan azamat Brýsılovskıı kóshesi boıynda ustalǵan. Jeke zattaryn tintý barysynda kúdiktiden jalpy salmaǵy 4,67 gramm geroın tárkilengen.
