Jyl basynan beri elimizdegi negizgi kapıtalǵa ınvestıtsııa 7,9 paıyzǵa ósti - E. Dosaev
ASTANA. 23 shilde. QazAqparat - Aǵymdaǵy jyldyń alǵashqy jartyjyldyǵynda ınvestıtsııalyq belsendilik artyp otyr.
Atap aıtqanda, jyl basynan beri negizgi kapıtalǵa salynǵan ınvestıtsııa 7,9 paıyzǵa ósti. Byltyrǵy jyldyń osy kezeńindegi kórsetkish 3,1 paıyzdy quraǵan edi. Bul týraly búgin aǵymdaǵy jyldyń birinshi jartyjyldyǵyndaǵy áleýmettik-ekonomıkalyq damý qorytyndylary talqylanǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
Mınıstrdiń aıtýynsha, elimizdegi ınvestıtsııalyq kórsetkish Aqmola oblysynan basqa barlyq óńirlerde baıqalǵan. Al atalǵan óńirdegi tómendeý kórsetkishi 23 paıyzǵa deıin jetip otyr. «Turǵyn úı qurylysy salasyna salynǵan ınvestıtsııa 212 mlrd. 700 mln. teńgeni qurap, 20,4 paıyzǵa artty. 2,9 mln. sharshy metr turǵyn úı paıdalanýǵa berildi. Ekonomıka ósiminiń negizgi draıveri qyzmet kórsetý salasy kórsetkishteriniń 7,6 paıyzǵa ósimimen baılanysty bolyp otyr», - deıdi E. Dosaev.
Onyń sózine qaraǵanda, qańtar-maýsym aralyǵynda elimizdegi saýda aýqymy 12,5 paıyzǵa, kólik qyzmeti 7 paıyzǵa, baılanys qyzmeti 14,7 paıyzǵa artqan.
