Jyl basynan beri elimiz boıynsha 180 myńnan astam volonter jumysqa tartyldy
Bul týraly búgin «Birgemiz» respýblıkalyq front- keńsesinde ótken volonterlerdiń beıresmı kezdesýinde aıtyldy, dep habarlaıdy QazAqparat tilshisi.
«Birgemiz» respýblıkalyq front keńsesiniń basshysy, «Ulttyq volonterlik jelisiniń» atqarýshy dırektory Tatıana Mıronıýk búgin volonterlerdiń beıresmı kezdesýi ekenin aıtty.
«Volonterler jyly resmı túrde jabyldy. Ár senbi saıyn volonterlik qyzmettegi koordınatorlar úshin beıresmı kezdesý uıymdastyrylady. Kezdesý barysynda volonterlerdi qalaı tartýǵa bolatyny, is-sharalardy qalaı uıymdastyrý kerektigi týraly máselelerdi talqylaımyz. Volonterlik osy ýaqytqa deıin de bolǵan, keıin de bolady. Bıylǵy «Volonterler jyly» osy baǵyttaǵy jumystardy retteýge bolatyn joldardy kórsetti.
2016 jyly Volonterlik qyzmet týraly zań qabyldanǵan bolatyn. Kelesi jyly osy zańǵa volonterlik qyzmetti damytýǵa kómektesetin ózgertýler men tolyqtyrýlar engiziledi. Bolashaqqa qatysty josparymyz kóp. Aımaqtarda jumys isteıtin front-keńselerdiń jumysy jalǵasa beredi. Bıyl elimiz boıynsha 180 myńnan astam volonter jumysqa tartyldy. Bul resmı statıstıka. Jumysqa tartylǵan volonterlerdiń sany budan da kóp dep oılaımyz. Sebebi esh jerde tirkelmegen volonterlik toptar bar, sondaı-aq ózin volonter dep atamaıtyn, biraq qoǵam ıgiligi úshin qaıtarymsyz negizde jumys isteıtin adamdar kóp. Osylardyń bárin qosqanda 180 myńnan asatyny sózsiz. Jyldyń basynda volonterlik uıymdar sany shamamen 200 bolsa, jyl sońyna qaraı volonterlik baǵytta jumys isteıtin toptar sany 675-den artty. Bul – óte jaqsy kórsetkish», - deıdi Tatıana Mıronıýk.
Kolledj stýdenti Syrymbet Januzaqulynyń volonter bolyp júrgenine 3 jyl bolǵan.
«Alǵash ret EXPO-2017 halyqaralyq mamandandyrylǵan kórmesi ótken kezde volonter boldym. Bul usynysty ápkem aıtqan edi, keıin volonter bolýǵa degen qyzyǵýshylyǵym arta tústi. Ázirge konferentsııa, forým uıymdastyrýshylaryna kómek kórsetýdemiz. Bolashaqta áleýmettik, ekologııa salasyna qatysty volonterlikpen de aınalysamyn degen josparym bar. Búgin Ulttyq volonterlik jeli koordınatorlarynyń oqýy bolyp jatyr. Pandemııaǵa baılanysty jumysymyz biraz toqtap qalǵan, al negizinde aptasyna bir ret osylaı bas qosyp, oqý jumystaryn júrgizemiz. Osymen úshinshi apta kezdesip otyrmyz», - deıdi «Qarjy akademııasy» AQ kolledjiniń 2-kýrs stýdenti, volonter Syrymbet Januzaquly.