Jyl basynan beri eldegi benzınniń quny 21 paıyzǵa qymbattady
ASTANA. 14 qyrkúıek. QazAqparat /Jasulan Amanbaıuly / - Jyl basynan beri eldegi benzınniń quny 21 paıyzǵa qymbattady. Bul týraly búgin brıfıng barysynda Statıstıka agenttiginiń tóraǵasy Álıhan Smaıylov málim etti.
«Bıylǵy jyldyń qańtar-tamyz aılarynda ınflıatsııa deńgeıi 5,9 paıyzdy qurady. Sonyń ishinde jekeleı taýarlardyń qunyna keletin bolsaq, jyl basynan beri dızeldik janar-jaǵarmaıdyń baǵasy 24 paıyzǵa ósken. Óndirýshiler ony 22 paıyzǵa arttyrǵan. Benzın 21 paıyzǵa, gaz 7,5 paıyzǵa qymbattady. Óńdeýshiler propan men metan qunyn 6 paıyzǵa qymbattatyp jibergen»,-dedi agenttik tóraǵasy.
Onyń aıtýynsha, jazǵy maýsym kezeńderinde azyq-túlik baǵasy 6 paıyzǵa tómendegen. Adamdardyń ortasha aılyǵy 92 myń 993 teńgege jetken. Al, 2011 jylǵy qysqa merzimdi ekonomıkalyq ındıkator byltyrǵy jyldyń osy ýaqyt merzimimen salystyrǵanda 106,1 paıyzdy qurdy.
