Jyl basynan beri «e-úkimet» portaly arqyly 1 079 000 elektrondyq anyqtama berildi - QR BAM
ASTANA. 14 sáýir. QazAqparat - Aǵymdaǵy jyldyń 1 qańtary men 13 sáýiri aralyǵynda elektrondyq úkimettiń portaly arqyly 1 079 000 elektrondyq anyqtama berildi, dep habarlady QR BAM baspasóz qyzmeti.
Al 2010 jyldyń 12 aıynda barlyǵy 1 671 000 anyqtama berildi. Sonymen qatar, baspasóz qyzmeti habarlap otyrǵandaı, berilgen elektrondyq sandyq qoltańbalar kórsetkishi de ósý ústinde. Búgingi kúnge 498 000 elektrondy sandyq qoltańba berildi (Jyl basynan beri 72 522 ESQ berildi). www.egov.kz portalyna kún saıyn orta eseppen 11 000 paıdalanýshy kiredi.
Memlekettik elektrondyq qyzmet kórsetýlerdiń ishinde QR Ádilet mınıstrliginiń qyzmetteri suranysqa kóp ıe. 13 sáýirdegi esep boıynsha jyljymaıtyn múlikke tirkelgen quqyǵy barlyǵy nemese joqtyǵy týraly 11 000 elektrondyq anyqtama berilgen.
Budan keıin suranysqa kóp ıe elektrondyq qyzmet kórsetýlerdiń ishinde -QR Eńbek jáne halyqty áleýmettik qamsyzdandyrý mınıstrliginiń zeınetaqy qorlaryna salymshy qarjysynyń túsýi týraly anyqtama. Jyl bastalǵaly osyndaı 3285 elektrondyq anyqtama berilgen.
www.egov.kz portalynda usynylǵan elektrondyq qyzmet kórsetýlerdiń ishinde «tirkelgen zańdy tulǵalar men olardyń bólimsheleri nemese ókildikteri týraly» jáne «Jeke tulǵanyń qandaı da bir zańdy tulǵaǵa qatystylyǵy týraly» anyqtamalar da suranysqa ıe. Jyl basynan beri berilgen osyndaı anyqtama sany 1000-nan asty.
Esterińizge salyp ótemiz, 2011 jyldyń 12 sáýirinde elektrondyq úkimet portalyna 5 jyl toldy!
