Jyl basynan beri depozıtterdi dollarlandyrý deńgeıi 3,7% tómendedi
ALMATY. QazAqparat - QR Ulttyq banki eldiń depozıtter naryǵyndaǵy jaǵdaıy týraly málimet taratty, dep habarlaıdy QazAqparat tilshisi.
«Rezıdentterdiń depozıtarlyq uıymdardaǵy salymdarynyń kólemi 2019 jyldyń qazan aıynyń sońynda 18,777,2 mlrd teńgeni qurady, bir aıda 3,7% -ǵa ósti. Zańdy tulǵalardyń depozıtteri 6,1% -ǵa — 9 973,3 mlrd teńgege deıin, jeke tulǵalardyń depozıtteri 1,1% -ǵa — 8 803,9 mlrd teńgege deıin ósti», - dep habarlady Ulttyq bank.
Ulttyq valıýtadaǵy depozıtterdiń kólemi bir aıda 1,6%-ǵa — 10 381,1 mlrd teńgege deıin, shetel valıýtasyndaǵy 6,3% -ǵa — 8 396,1 mlrd teńgege deıin ósti. Dollarlandyrý deńgeıi 2019 jyldyń qazan aıynyń sońynda 44,7% qurady (2018 jylǵy jeltoqsanda - 48,4%).
2019 jyldyń qazanynda zańdy tulǵalardyń teńgelik depozıtteri 1%-ǵa — 5 389,4 mlrd teńgege deıin, shetel valıýtasyndaǵy 12,8%-ǵa — 4584,0 mlrd teńgege deıin ósti (zańdy tulǵalardyń depozıtterinen 46,0%).
Jeke tulǵalardyń teńgelik depozıtteri 2 99% artyp, 4 991,7 mlrd teńgege jetti. Shetel valıýtasynda kerisinshe 0,5% -ǵa — 3 812,2 mlrd teńgege deıin tómendedi (jeke tulǵalardyń depozıtterinen 43,3%).
Merzimdi depozıtterdiń kólemi bir aıda 2,4% ósip, 12 304,8 mlrd teńgeni qurady. Olardyń qurylymynda teńgelik depozıtter 6 908,8 mlrd, shetel valıýtasyndaǵy depozıtter 5396,0 mlrd teńgeni qurady.
Banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 7,2% (2018 jylǵy jeltoqsanda - 7,1%), jeke tulǵalardyń depozıtteri boıynsha - 9,2% (10,4%) qurady.
