Jyl basynan beri bıýdjetke páterdi jalǵa berýshilerden 18 mln teńgeden asa qarjy tústi
ASTANA. QazAqparat - «Elordadaǵy qaýipsizdik pen jaılylyq» pılottyq jobasyn iske asyrý sheńberinde tıisti tirkeýsiz páterdi jalǵa berýmen aınalysatyn tulǵalardy anyqtaý sharalary júrgizilýde. Atalǵan sharany Astana qalalyq Іshki ister departamentiniń jergilikti polıtsııa qyzmeti elordalyq Memlekettik kirister departamentiniń ókilderimen birlese ótkizýde, dep habarlaıdy elorda ákimdiginiń baspasóz qyzmeti.
Sharalardyń nátıjesinde jyl basynan beri 1000-nan asa jeke kásipker tirkeldi, memlekettiń kirisine 18 mln teńgeden asa qarjy tústi.
«Júrgizilip jatqan jumys jalǵa beriletin páterlerde turatyn adamdar týraly aqparat alýǵa múmkindik beredi. Ótken jyly ýchaskelik polıtsııa ınspektorlary men Astana qalasynyń memlekettik kiris departamentiniń qyzmetkerleriniń birlesken is-qımylynyń nátıjesinde qala bıýdjetine 85 600 000 teńge kiris tústi», - dep málimdedi Astana qalalyq ІІD bólim bastyǵynyń orynbasary Gosman Jakın.
