Jyl basynan beri aýyl sharýashylyǵy ónimderi ulǵaıdy – QR AShM
«Bıylǵy qańtar-mamyr aılarynda jalpy aýyl sharýashylyǵy óniminiń kólemi 3,1%-ǵa ulǵaıyp, 1 110,2 mlrd teńgeni qurady. Bul ósim negizinen mal sharýashylyǵyndaǵy óndiris kóleminiń 3,2%-ǵa ulǵaıýy esebinen qamtamasyz etildi. Máselen, et óndirý kólemi tirideı salmaqta 5,5%-ǵa, sút 3,1%-ǵa ósti. Munda 58,3 mlrd teńgege ósimdik sharýashylyǵy ónimderi óndirilip, naqty kólem ındeksi 100%-dy qurady. Bul kólem aýyl sharýashylyǵy daqyldaryn jabyq topyraqta (jylyjaıda) ósirý esebinen qamtamasyz etildi», - dedi mınıstr búgingi Úkimet otyrysynda.
Oblystar bólinisinde respýblıkalyq deńgeıden joǵary qarqyn 4 oblysta: Aqmola (113,8%), Pavlodar (103,9%), Batys Qazaqstan (103,3%) jáne Qaraǵandy (103,3%) oblystarynda baıqaldy.
«Atalǵan kezeńde tamaq ónimderin óndirý kólemi 3,3%-ǵa ósip, 851,6 mlrd teńgeni qurady. Bul rette qyzylsha qantyn óndirý kóleminiń 29,7%-ǵa, óńdelgen kúrishtiń 24%-ǵa, jarmanyń 18,7%-ǵa, sary maıdyń 16,5%-ǵa, ósimdik maıynyń 11,9%-ǵa, unnyń 9%-ǵa, irimshik pen súzbeniń 8,7%-ǵa, óńdelgen súttiń 3,3%-ǵa artqany baıqaldy», - deıdi S. Omarov.
Sonymen birge, qańtar-mamyr aılarynda aýyl sharýashylyǵynyń negizgi kapıtalyna salynǵan ınvestıtsııalar kólemi 46,8%-ǵa ulǵaıyp, 213,8 mlrd teńgeni, tamaq ónimderi óndirisine salynǵan ınvestıtsııalar 24,1%-ǵa artyp, 35,6 mlrd teńgeni quraǵan.