Jyl basynan beri áýe qatynasy arqyly 4 mıllıon adam tasymaldandy
ASTANA. QazAqparat - 2016 jyldyń 8 aıynda áýe qatynastary arqyly 4 mıllıon adam tasymaldandy. Bul týraly búgin Ortalyq kommýnıkatsııalar qyzmetinde ótken brıfıngte málim boldy.
QR Investıtsııalar jáne damý mınıstri Jeńis Qasymbektiń aıtýynsha, jyl basynan beri elimizdiń áýejaılary 7,6 mıllıon jolaýshyǵa qyzmet kórsetken.
Budan bólek, Astana áýejaıynyń jolaýshylar termınalyn qaıta jańǵyrtý jobasy júzege asýda. Al, Petropavl qalasynda áýejaıdyń vokzaly men ushý-qoný jolaqtary qaıta jańǵyrtylýda.
«Sonymen qatar, 2017 jyldyń basyna qaraı Semeı áýejaıyndaǵy ushý-qoný jolaqtaryn jańǵyrtý jumystary josparlanyp otyr», - dedi mınıstr.
